黛安
黛安

梳乎蛋變身餐具 下周四玩轉麥記

發佈時間: 2016/06/01

梳乎蛋變身餐具 下周四玩轉麥記

梳乎蛋魅力果然沒法擋,麥當勞同Sanrio合作,第一擊先推出雞蛋料理,試完新款「飯Tastic」漢堡包已經開始期待,無理由得咁少驚喜!話口未完,就收到公關姊妹新消息,一睇到相就想講三次:「好打耳(好得意)呀!」

下星期四(6月9日)開始、麥記將會推出餐具系列,包括三款梳乎蛋陶瓷碗同一款特別版孖碗,款款都有梳乎蛋Hea爆得意樣,捧住嚟食飯肯定食得最開心!

想換到得意餐具,買嘢食加39蚊就換到一款,如果想得到特別版,就一定要吼實梳乎蛋開餐套裝,買任何食物加238蚊,就可以換到限量版,入面包括特別版梳乎蛋孖碗一隻、三款梳乎蛋陶瓷碗,仲有五張印住梳乎蛋「Hea」爆pose既十蚊麥當勞美食券。粉絲要留意,開餐套裝都係九號開始換,而24小時麥當勞餐廳凌晨四點開始有得換㗎!

撰文: 黛安 消息特靈八卦公關
欄名: 八卦名利場