謙仔楊怡10月2日擺50圍

羅仲謙、楊怡今年三月秘密在英國古堡註冊結婚，兩人回港後為工作各有各忙。直到昨日，兩人首度以夫妻檔出席商業活動搵真銀，同時宣布將於10月2日在港補擺喜酒，兄弟姊妹團成員料有王浩信、陳敏之及唐詩詠等。

新婚的楊怡和羅仲謙昨日在銅鑼灣出席美容中心開幕活動，兩人穿得「紅噹噹」現身，人妻楊怡穿上低胸裝，十分性感，她接受訪問時更不時輕倚老公肩膊，sweet到爆。盛傳夫妻檔酬金接近100萬元，他們只肯承認一定有六位數字，而且兩個人的酬勞一定比一個多。活動上，兩人更「接吻魚」上身扮咀嘴讓傳媒任拍。

日前預告他們有喜訊公布，大家以為羅太宣布有喜，原來是他們落實在10月2日在香港The Ritz-Carlton擺酒。問到揀呢日是否有特別意義？他們說：「10月1日係國慶日，2日普天同慶囉，搵師傅擇日子，揀呢日對所有屋企人都好好。」楊怡笑言是星期日，方便大家唔使返工可以去飲。在場有人提議擺200圍酒席，楊怡笑稱：「擺百零二百圍都好喎！」謙仔則帶笑配合：「盡擺啦，預算40至50圍。」

約滿無綫 老公做經理人

至於兄弟姊妹團成員，楊怡表示初步會搵陳敏之，而唐詩詠和馬賽已經自薦，謙仔亦稱開始搵人，心目中一定有吳卓羲和王浩信兩位好兄弟。

此外，早前剛與無綫約滿的楊怡，笑言新任經理人是謙仔。她解釋：「其實心態上想自由啲，有鍾意嘅劇都會接拍，同TVB依然會接觸，即使將來有BB都可以更自由，所以目前主力休養身體。」此時，她還拍一拍謙仔叫他「加油（搵錢）！」

採訪：Pauline

攝影：Lego

編輯：陳禮恒

設計：鄧俊明