又一城戲院回歸！ $165早鳥優惠 限量5千套

九龍塘又一城全新影院FESTIVAL GRAND有新消息！自從戲院易手開始翻新，大家可以話係等了等，千呼萬喚，終於等到啦！

公關姊妹預告，戲院下個月正式開幕，令人期待嘅係入面有全港首個用HI-FI級音響貴賓影院，等觀眾好似置身私人影院咁享受。

慶祝新成員誕生，MCL院綫特別推出「早鳥優惠套票」，戲迷$165蚊就買到3張「2D電影禮券」同3張「10蚊小食部爆谷或熱狗套餐現金券」，限量5,000套，每人限買8套。限量5,000套今日開始預購，大家去又一城LG2層顧客服務處旁邊就買得到，想知更多詳情就要瀏覽www.mclcinema.com。