祖兒不知師兄做馬主

近年不少圈中人熱衷做馬主，繼郭富城、張智霖、甄子丹後，劉浩龍（師兄）和吳國敬也加入馬主行列，不過身為師兄女友的容祖兒卻懵然不知，又說到吳國敬稱呼她做「阿嫂」，祖兒故作嬲怒表示要翻枱，場面十分惹笑。

早前吳國敬和麥長青（麥包）等合資過百萬開餐廳，最近兩人聯同師兄劉浩龍等20多人在澳門買了四匹馬，據知麥長青有意為愛駒改名「麥包之星」，而日前吳國敬接受電台節目訪問時透露，在他們男人堆中原來私下稱祖兒做「阿嫂」。

昨日祖兒到商台為Live演唱會宣傳，席上被問到可知道男友做馬主？祖兒聞言後一臉愕然，及後笑謂：「吳國敬果然係雙子座呀，講嘢唔使負責任！（師兄做馬主喎。）衰佬吖，我真係乜都唔知喎！」她說稍後會向男友求證。至於吳國敬稱她「阿嫂」又是否受落？祖兒繼續傻呼呼地笑：「佢通常叫我『祖祖』或者『容祖』，我諗佢講下笑啫，（係咪受落？）受唔起！叫阿嫂叫到老晒，唔好呀，我唔想咁快做樂壇大媽。」

要保護肖像權

此外，提到無綫有意與唱片公司重新簽訂合約時，加插一條「永遠使用播放權」條文，言下之意即是在該台播放的錄像權也歸無綫所有，日後可隨意在該台播放。有指環球唱片對這新條文表示反對，祖兒聞言後即緊張反問：「咁英皇點呀？」其後又輕鬆表示：「其實呢啲嘢，鍾意咪簽，唔鍾意咪唔好簽囉。」

她又有感近日藝人陸續玩網上直播，也預計了媒體會轉載，她覺得問題不大，只要不是用於商品上便可，畢竟經常返內地也了解肖像權的重要性，她又謂：「新世代不斷醞釀，當然希望進步，做到水陸兩路一齊貫通。」

採訪：Pauline

編輯：黃寶恩

設計：梁政敏