【聲明】港生活網站並無進行電話推廣活動

屈臣氏今日出爐新廣告 泰臣接魯芬BB棒

發佈時間: 2016/05/19

最近睇屈臣氏Facebook專頁新廣告,魯芬BB去shopping畀型男「壁咚」,情節好搞笑。話說面珠敏感嘅魯芬BB去屈臣氏搵解救良方,又型又靚仔嘅美容顧問(Beauty Consultant)出現,伸出強而有力臂彎,再送上貼心推介。魯芬BB用完立即變靚,變身做另一位女神。

向公關姊妹八卦完先知,今次廣告唔止有魯芬BB㗎,第二擊廣告今日出咗街,有「泰痕BB」一家三口�𠻹!今次係泰臣一人分飾幾角,話畀大家知新手爹哋媽咪面對初生BB皮膚敏感等問題,可以搵屈臣氏嘅美容顧問幫你手,故事情節都好搞笑,依家賣個關子,大家記得睇到最尾!講開又講,魯芬BB打頭陣嘅廣告,網民睇完大讚好笑之餘,仲落力玩遊戲,今次泰臣上場,唔知有咩搞作呢,仲唔快啲上品牌fb專頁睇下!

網購升級 今日訂聽日送

唔止廣告有新意,屈臣氏網購服務都有驚喜!品牌電子商店嘅送貨服務最近升級,實行今日訂聽日送,只要大家晚上九點前落單,貨品第二日就到手。姊妹話,最開心係免費送貨消費門檻都減低咗好多,埋單滿50蚊就可以享受極速送貨體驗,想知多啲詳情就要上www.watsons.com.hk睇睇。

撰文: 黛安 消息特靈八卦公關
欄名: 八卦名利場