廖碧兒王宗堯清場肉搏

「男神」王宗堯近日在社交網站發放一張男女剪影相，令網民懷疑他有新戀情。宗堯隨即解畫，對手是廖碧兒（Bernice），其實兩人一齊為ViuTV拍攝劇集《瑪嘉烈與大衞系列綠豆》，Bernice更自爆在劇中有激烈纏綿戲。

王宗堯昨午與幾位學生拍攝港台節目《18廿二大放送》，分享對「男神」的感覺及工作體驗。提到他於社交網站的一張親暱照片，宗堯解釋：「嗰個係廖碧兒，我哋最近一齊幫Viu TV開工，拍咗少少激情戲，仲有場戲講我哋親熱完後坐喺床度傾偈，佢驚穿崩連bra都除埋。」他笑稱拍得好自然，加上劇集在深夜時段播出，內容可以大膽一點。此時，他趁機揶揄無綫：「呢個世界有cap圖，比起大台嘅一秒鐘強姦戲，我哋係坦承同大膽少少。」

feel到對方心跳

此外，Bernice昨日出席醫學美容品牌活動，談到在《瑪》劇與王宗堯的床上戲，她同樣形容尺度好激，擔心穿崩所以要清場拍攝。問到性感尺度，她稱王宗堯會半裸，而她亦會露肉。拍攝床上戲尷尬嗎？Bernice表示：「唔會，大家都專業，拍得好舒服、好投入，亦感覺到大家嘅心跳。」

撰文：Pauline

攝影（部分）：林良明

編輯：陳禮恒

設計：鄧俊明