一人分飾全家 泰臣新廣告變爆笑「泰痕BB」

扮嘢功力一流的泰臣（翟凱泰），近日為屈臣氏個人護理連鎖店拍攝新廣告，一人分飾四角，除了扮年輕爸爸、媽媽及美容顧問外，更化身患上皮膚敏感的「泰痕BB」，非常搞笑。

泰臣去年惡搞神劇《大時代》，一人分飾18角拍成短片，今次拍廣告扮晒全家，自然冇難度。新廣告今日曝光，泰臣「夫婦」全副武裝上陣湊B，濃粧艷抹的女泰臣忽然尖叫，因囝囝「泰痕BB」患皮膚敏感，轉用其他護膚品仍無用，只見「泰痕BB」痕到變臉狂喊，認真慘慘豬！

搞鬼媽咪改抱靚B

幸好有同樣由泰臣飾演的連鎖店美容顧問幫手，解決「泰痕BB」的皮膚問題。最後一家三口影全家福，以為「泰痕BB」醫好皮膚會變回靚仔BB，誰知泰臣「媽媽」手抱的竟是鄰居張太的兒子！她抵死地說：「最後一個鏡頭啦，畀觀眾唞下得唔得！」

撰文：李潔盈

編輯：黃寶恩

設計：梁政敏