【聲明】港生活網站並無進行電話推廣活動

宋仲基彩繪飛機登場

發佈時間: 2016/05/18

搭飛機有得「見Oppa」!愛敬集團旗下濟州航空揀選代言人,策略一向係「當今亞洲最紅韓流明星」,上個月濟航CEO崔圭楠親自簽《太陽的後裔》男主角宋仲基做新一年代言人,好多粉絲都超級興奮,紛紛上品牌Facebook專頁「jejuairhongkong」留言讚好,幾乎個個都話要搭飛機見Oppa。

濟航同宋仲基嘅合作,包括全新肖像彩繪飛機、濟州航空數碼同平面廣告等,話口未完已經收到消息,最新有Oppa靚仔樣嘅彩繪飛機正式同大家見面啦!聽講品牌今次喺23架波音737-800客機入面揀咗一架,加工成為唯一一架「宋仲基彩繪飛機」,嚟緊將會飛航國內航綫,包括金浦至濟州、釜山至濟州等。

知道Oppa粉絲遍布各地,公關話呢架宋仲基客機,遲啲仲會飛埋香港至首爾等韓流人氣高企嘅亞洲地區航點𠻹!

撰文: 黛安 消息特靈八卦公關
欄名: 八卦名利場