醉駕羅鈞滿新劇被飛 嘉穎約滿前最後一擊

無綫金牌監製王心慰（Amy）新劇《迷》昨日試造型，演員陣容本來有羅鈞滿，佔戲頗重，但他已「消失」了，監製承認因他仍有醉駕官司在身，是否再召他入劇組，有待審判結果。

鄭嘉穎、田蕊妮為無綫新劇《迷》試造型，曾在演員名單出現的羅鈞滿，昨日未見現身，早前他因醉駕面臨刑責，法官不排除判他入獄。監製王心慰解釋：「本來預留角色畀佢，但現時要等法官判決再作決定。」羅鈞滿原本飾演黑社會「頭馬」，但Amy表示該角色暫時要抽起，若他不幸入獄，便要修改劇本，甚至換角色。

樂易玲曾勸羅鈞滿戒酒，Amy亦希望他受過今次教訓，日後會改過，Amy續稱：「我信佢易戒，今次係一個好大教訓，依家啲工作hold起都係大問題。（會原諒佢嗎？）會，相信人會改過，所以應該畀機會佢。」

拍住拖睇《殭》結局

此外，鄭嘉穎和田蕊妮在新劇中孭飛，他們曾於09年合演《Only You》，可惜兩人沒有對手戲。今次嘉穎在劇中飾演警察，尾段跟阿田有較多感情戲。談到《殭》播畢，女友陳凱琳（Grace）日前親手做蛋糕，嘉穎笑言當晚陪女友及其家人一齊睇大結局。問到《迷》是否與無綫合約期內最後一齣劇？他說：「可以咁講。（傾續約？）未有咁快，年尾先傾啦，都有傾過嘅，多謝關心。（續約成數高？）到時話你知。」

採訪：Pauline

攝影：林良明

編輯：陳禮恒

設計：鄧俊明