人氣卡通Peppa Pig 首度來港做show

上個周末去九龍灣國際展貿中心睇show，臨近開show時，燈光開始轉暗，但現場唔係一片漆黑，反而見到「點點星光」，睇真啲唔少觀眾都拎住熒光棒。最令人surprise的是，現場過半數觀眾係小朋友，佢哋一邊揮舞熒光棒，仲一邊呼喚「朋友仔」出場。呢位咁受歡迎嘅就係英國卡通人物--風靡全球嘅Peppa Pig！

Peppa Pig出自兒童學前動畫《粉紅小豬一家親》，今次佢同故事中嘅家人、朋友以布偶形式走出電視框框，舞台上表演團隊用生動嘅歌聲帶動氣氛，場內嘅好多小朋友都落力回應。中場休息時，再有surprise，朋友唔止衫褲鞋襪有Peppa Pig，好多人都抱住隻布公仔�𠻹！聽身邊嘅嗲哋媽咪講先知，「小朋友睇完呢套學咗好多新英文生字」，唔怪得一眾爸爸媽媽唔怕小朋友「追星」啦！