去迪士尼同鐵甲奇俠互動

唔少Marvel迷都好期待，香港迪士尼樂園第一個用Marvel做主題嘅機動遊樂設施——「鐵甲奇俠飛行之旅」。收到消息，新設施今年年底開幕，主題區工程即將完工，最近仲開始咗系統測試。

迪士尼透露，遊客可在主題區內嘗試全新互動體驗，參觀主角「東尼史達」舉辦嘅史達科技展，探索史達工業最新同最強發明。聽講，主題區重頭戲「鐵甲奇俠飛行之旅」入面，大家可以坐上史達最新發明飛行車「鐵甲號」，穿梭西九龍及銅鑼灣等等香港地區和街道。另外，同邪惡勢力「海德勒」對戰過程中，仲會清楚睇到青馬大橋、各區山脈、特色市區的士、維港景色。