【聲明】港生活網站並無進行電話推廣活動

去迪士尼同鐵甲奇俠互動

發佈時間: 2016/05/17

唔少Marvel迷都好期待,香港迪士尼樂園第一個用Marvel做主題嘅機動遊樂設施——「鐵甲奇俠飛行之旅」。收到消息,新設施今年年底開幕,主題區工程即將完工,最近仲開始咗系統測試。

迪士尼透露,遊客可在主題區內嘗試全新互動體驗,參觀主角「東尼史達」舉辦嘅史達科技展,探索史達工業最新同最強發明。聽講,主題區重頭戲「鐵甲奇俠飛行之旅」入面,大家可以坐上史達最新發明飛行車「鐵甲號」,穿梭西九龍及銅鑼灣等等香港地區和街道。另外,同邪惡勢力「海德勒」對戰過程中,仲會清楚睇到青馬大橋、各區山脈、特色市區的士、維港景色。

撰文: 黛安 消息特靈八卦公關
欄名: 八卦名利場