即將簽約王祖藍 徐子珊未知畀唔畀生仔

徐子珊離開無綫已一段時間，昨日出席公開活動時，終於公布日內正式動筆，簽約王祖藍的公司為經理人，不過對於新合約是否訂明可否結婚生仔，子珊就戲言一日未動筆都不要講太多，怕臨時加入這條款便麻煩呢。

徐子珊昨日到灣仔會展出席中小型企業《香港星級品牌2016啟動禮》，與商務及經濟發展局局長蘇錦樑主持儀式。已離開無綫一段時間的她，昨日終於公布去向，表示已落實簽約邵氏旗下王祖藍開設的經理人公司，稍後就會動筆簽約。

昨日出席的活動，雖然是之前已接洽的，但是新公司已開始派助手給她，又安排車輛接送，令子珊相當感動。當問到合約會否訂明不能結婚生仔？她笑言：「無講明唔可以結婚喎，乜依家啲合約真係會咁寫嘅咩？不過都未簽，費事加呢個條款落去，都係唔好講住。」

登台賣身上首飾

另外，子珊又提到即將創辦的珠寶生意，主要銷售自家設計首飾，她不諱言可以趁機跟現場的商家互相交流。她透露母親節期間，到美國大西洋城登台，期間發生一件趣事。她表示：「我經常佩戴自己首飾出嚟順便Sell下，點知慶功時，有位男士話想畀驚喜太太，叫我賣條手鏈畀佢，於是我賣咗畀佢，嗰位男士仲立刻為太太戴上，成件事好Sweet、好驚喜，我亦無諗過登台賺錢又做到生意。」不過，她正籌辦的首飾網站因為有少少阻滯，預計七月才可以正式運作。

採訪：Pauline

攝影：林良明

編輯：林梓添

設計：鄧俊明