【聲明】港生活網站並無進行電話推廣活動

銀杏館推「無糯米」糭

發佈時間: 2016/05/16

呢排氣溫開始升高,大家都將短袖衫褲拎晒出嚟,點知天文台又話氣溫將會急降。幾時先可以收埋晒天冬衫,學俗語話齋,「未食五月糭,寒衣不入櫳」,梗係過埋端午先啦!

大家大大啖品嘗各式端午糭時,原來有唔少人唔食得糯米而要忍口,社企銀杏館今年推出「樂活糭」,將糯米改為其他素食材料,用「無糯米」做selling point。樂活糭用咗有機燕麥、薏仁、糙米、香菇、素腩肉、豆腐乾同腐竹,卻缺少了傳統糭的必須材料糯米,仲搵埋香港老師傅手工製作,聽講口感同味道都拍得住傳統鹹肉糭𠻹!唔用糯米又有傳統鹹肉糭特色,啱晒長者或者健康一族,聽落係咪好吸引呢?

除此之外,其實銀杏館今年一共有五款特色糭,包括紅豆豆沙甜糭、原粒瑤柱火鴨裹蒸糭等等。

撰文: 黛安 消息特靈八卦公關
欄名: 八卦名利場