記協48周年 馬斐森撑場

上星期五係香港記者協會（記協）年度盛事——48周年晚會，每年呢晚係公關傳媒界友好相聚大日子，今年主題「真‧黑白」、港大校長馬斐森出席撑場、樂隊RubberBand上台表演等都係亮點之一。

馬斐森上台，講起自己學習廣東話的趣事，台下歡笑聲不斷。佢致辭時又分享港大發展、個人對香港年輕一代看法、言論自由等，由佔中時同中大校長沈祖堯去金鐘呼籲學生注意安全、到港大校長遴選引發紛爭，有人認為佢立場改變，馬斐森強調自己一直保持「consistent」，「處理事情以安全為先、認為是對的事所以去做」。校長又講起，有時大家嘅主見可能唔同，但相信更多時候，自己同傳媒界仍有好多理念係一致。

講番晚宴現場，當晚一直好熱鬧，但將氣氛進一步推高，就要歸功於RubberBand，樂隊上台表演時，全場大合照，粉絲衝晒去台前支持，個個都話要同佢哋selfie𠻹！