【聲明】港生活網站並無進行電話推廣活動

試食麥當勞手撕烤豬堡 《晴報》讀者讚有創意

發佈時間: 2016/05/13

《晴報》同麥當勞合辦手撕烤豬堡試食會,去湊熱鬧兼八卦參加者反應,好多人話唔止漢堡有新鮮感,試食會形式都好有新穎,叫《晴報》姊妹要舉辦多啲同類型活動!講起今次手撕肉漢堡有創意,麥當勞公關姊妹大讚星級名廚蔡家富(Gabriel)好畀心機,由研發到各個細節都跟到足、畀咗好多意見,「淨係個包都試咗好多款,先組合出依家呢個味道」。

參加試食會嘅讀者又點睇,兩位周先生就話,平時食慣漢堡係一塊塊,轉咗用手撕肉「好特別、都幾有口感」。另外,讀者陳小姐同郭小姐就話,厚切薯條好好味,拍得住高級餐廳,仲提大家話要「趁熱食」。

撰文: 黛安 消息特靈八卦公關
欄名: 八卦名利場