黛安
黛安

ViuTV《G-1格鬥會》 今個星期日冠軍出爐

發佈時間: 2016/05/13

ViuTV《G-1格鬥會》 今個星期日冠軍出爐

免費電視99台ViuTV開台個幾月,唔少實況娛樂節目備受關注,好似女子MMA《G-1格鬥會》令觀眾睇得愈嚟愈肉緊。上星期,四強決戰有Hazel唐紫睿對戰Vangie鄧穎芝,Vangie勝出。今個星期比賽進入最後階段,掀幕有Margiela郭思琳對Winkie黎美言,大家都好期待係「香港電視史上首位女子MMA冠軍」嘅誕生。

究竟邊個贏?公關姊妹笑說「要保持神秘」,仲話賽制上有啲驚喜,要先賣個關子,聽完好期待!向監製楊任豪問起拍攝,佢話同平時綜藝節目好大分別,「因為呢個節目存在太多未知因素,例如參賽者嘅訓練方式、休養期,又要配合檔期錄影,期間又要為各種突發狀況應變。」佢又提到,籌備到依家即將播放完畢,心情依依不捨,又透露最後勝出冠軍都令人驚喜,「因為起初完全估不到係佢會贏」。

楊任豪仲話,咁多場比賽中,阿旦(鄧洢玲)苦戰Rita(劉燕妮)三個回合最令佢印象深刻,「一來阿旦本身條件較弱,二來當時佢爸爸身體不舒服,心理質素都好受影響,但佢都表現專業。」至於問起有無籌備「添食」,佢就話要睇觀眾反應同公司決定啦。

撰文: 黛安 消息特靈八卦公關
欄名: 八卦名利場