【聲明】港生活網站並無進行電話推廣活動

Samsonite X Marvel英雄 推至型行李箱

發佈時間: 2016/05/12

Marvel英雄魅力沒法擋,收到消息,Samsonite首次同Marvel合作,推出三款大熱英雄造型行李箱,分別有蜘蛛俠、鐵甲奇俠同美國隊長,一睇就知粉絲會眼前一亮!

聽講今次crossover系列,要用每個英雄人物最具代表性特質做設計靈感,好似蜘蛛俠嗰款,行李箱嘅外殼上面用咗3D立體效果,凸顯發達嘅肌肉,再畫上蜘蛛俠icon商標。唔單止產品有英雄特色,廣告硬照都配合得好好,模特兒拎住個行李箱喺大廈外牆好型咁擺pose,夠晒突出。

至於Iron man嗰款嘅設計同樣別出心裁,3D立體效果部分,重點當然放係鐵甲奇俠嘅盔甲同心口發光裝置;而美國隊長系列,唔使諗梗係盾牌做主圖案。每款行李箱背面仲有MARVEL字樣,夠晒型格啦,除咗由頭到腳打扮可以有style,揀篋都可以納入潮流打扮元素之一!

聽講今次Samsonite X Marvel系列會喺指定Samsonite門市推出,包括太古城中心、時代廣場、K11購物藝術館、MOKO新世紀廣場等。

撰文: 黛安 消息特靈八卦公關
欄名: 八卦名利場