Bosco個半月冇見緋聞女友

黃宗澤（Bosco）與日籍女模Jun被傳熱戀，可惜兩人長期分隔異地，他承認工作忙，又經常四圍飛，沒有時間拍拖，坦言要互相了解比想像中困難。

黃宗澤昨日在尖沙咀出席日本品牌運動服發布會，並穿上春夏新裝行catwalk，又親身展示健身秘技，即場手持啞鈴單手做掌上壓，又示範屈膝收腹等動作。

頻頻北上賺人仔

Bosco在活動結束後隨即趕往成都出席活動，他透露忙於北上出席不同商演活動，並表示：「剛完成新劇《幕後玩家》的戲份，所以要密密飛返內地。（近期賺唔少？）搵食啫，阿媽大食呀。」

至於他與日籍女模Jun的戀情浮面，Bosco表示仍在互相了解中，但最近忙到連拍拖時間也欠奉。問他何不直接飛往日本搵女友，為港爭光遠征海外？Bosco即笑言：「我唔係民族大英雄，唔使喇。」

他不諱言已經個半月沒跟女友見面，兩人只是靠短訊傾偈，女友又不熱衷玩視像，要維繫感情確有難度，幸好媽媽也沒有催婚。此外，Bosco經營的蠔吧生意尚算不錯，他有意另覓地方再搞飲食業。

採訪：Pauline

編輯：陳禮恒

設計：鄧俊明