何超蓮唔覺同柯震東有緋聞

何家三房千金何超蓮除了人靚外，也充滿愛心，昨日她出席澳洲護膚品牌活動，大騷六款為品牌拍攝的不同造型照片；日前剛度過25歲生日的超蓮，適逢該品牌創立25周年，大會也準備了兔子型的立體蛋糕給她。

超蓮昨日到銅鑼灣出席《零殘害．無動物測試慈善相展》，早前她為品牌拍攝六款不同白兔造型、宣揚動物自由生存權利的照片。超蓮在活動上也細閱自己靚相，同時呼籲大家做善事。

不過，她遲到近50分鐘，到場後被問到何以遲大到，超蓮登時一呆。「我無遲呀，唔知喎。」問到賭王爸爸可有看過她的作品？超蓮笑言：「未呀，不過我會逼佢掛張大相喺房。」剛在9號度過生日的超蓮，談到生日願望，她表示想在工作上有成績，事關她已籌備在年底開餐廳。緋聞男友柯震東可有與她慶祝生日？超蓮即收起笑容，並謂：「唔會啦，佢有短訊我講生日快樂，不過我覺得係男性朋友啫，你哋就覺得係緋聞，唔想咁多花邊新聞，驚畀媽咪鬧，而家都盡量全女班。」

盼見證契女出世

此外，提到好姊妹李蘊的肚子愈來愈大，在她懷孕不久，超蓮已爭住做契媽，問到是否已為契女準備禮物？她笑言：「一定會準備大禮畀契女，其實我好想陪佢入產房見證呢個人生重要一刻，不過佢（李蘊）話唔得，連老公都唔畀跟入產房。」

撰文：Pauline

攝影：林良明

編輯：林梓添

設計：梁政敏