【聲明】港生活網站並無進行電話推廣活動

領展烹飪工作坊 名廚×中醫教你懶住瘦

發佈時間: 2016/05/11

收到領展姊妹新消息,品牌旗下街市一向落力推動健康生活飲食文化,今個月開始,會推出為期一年全新活動「食玩對對碰」工作坊,提供烹飪及經絡操示範,仲有專人即場同大家交流健美心得。

今次打頭陣有中華廚藝學院大師級畢業生、雲來軒董事兼行政總廚黃亞保(白色衫)同註冊中醫師楊明霞,合作設計「健美秀身懶人包」,姊妹想懶住瘦,完全無難度。

今個星期六開始到7月23日指定周六下午,領展街市服務大使會示範黃亞保設計嘅夏日「秀身」菜式,大家可以率先試食!同場仲加映楊明霞自創健美經絡操。大家學完記唔晒,仲可以喺領展街市拎免費食譜同經絡操教學,返屋企慢慢練習,想唔fit都難啦。

撰文: 黛安 消息特靈八卦公關
欄名: 八卦名利場