香香讚嘉欣陀B有光澤

黃光亮、苑瓊丹及岑麗香等昨日為劇集《火線下的江湖大佬》宣傳，對於好友鍾嘉欣前日在微博宣布有喜，香香表示一早已知情，只是一直保守秘密，她亦相當期待嘉欣的BB出世。同場的黃光亮和苑瓊丹拍攝以來甚有默契，兩人還在活動上咀嘴，引來全場矚目。

鍾嘉欣於母親節宣布懷孕，早前擔任伴娘的岑麗香（香香）表示一早已經知道，她說：「二月時嘉欣在加拿大補擺喜酒已證實係雙喜臨門。」香香還透露兩星期前去過加拿大探望嘉欣，「跟她吃飯傾偈，嘉欣的精神相當不錯，好有光澤，好開心快樂。」問到可知道BB的性別？香香就說不清楚，所以送BB用品都是以中性的黃色為主。會做BB的契媽？香香笑言：「唔可以自己話做，等佢決定。（嘉欣有咗五個月？）等佢公布，呢啲係佢嘅私隱，不過見到佢宣布喜訊，成班姊妹都好戥佢開心。」對於好姊妹榮升媽咪，香香表示本身未受感染，暫時不會考慮做媽媽。

鬥氣冤家變咀嘴

黃光亮與苑瓊丹（苑仔）在台上不停鬥嘴，眾演員見狀起哄要兩人咀嘴，苑仔先命令其他演員把黃光亮按住，再任由她「施暴」。事後問黃光亮有何感覺？他笑說：「冇感覺，係佢強暴我，大家應該明白強姦同做愛嘅分別。我未試過畀老女人強姦，大家都夢寐以求。」不過他強調開工時大家都好認真，不會玩過火。苑仔笑言除了黃光亮媽媽及老婆外，只有她可以對付黃光亮，那她「強暴」對方後有何感覺？苑仔笑說：「普通，係個口大啲，好似屎坑吸住個口咁。」

撰文：Pauline

攝影：Lego

編輯：林梓添

設計：鄧俊明