為湊愛女 湯盈盈考慮短休兼造人

昨天是母親節，《八時入席》眾演員齊齊到商場出席「康乃馨活動」，跟全港媽咪共度母親節。有女萬事足的湯盈盈表示計劃拍完處境劇後，會休息一段時間專心湊女，並考慮生第三胎。

湯盈盈拍照時捧着一束花，更興奮表示：「老公（錢嘉樂）唔會送給我㗎，印象中只送過一次花，總之唔多過五次，我連佢張附屬卡都冇呀，因為我仲係Working Mother，通常自己買完嘢叫佢畀錢。」

盈盈大女Alyssa剛好三歲，細女Kassidy亦已七個月大，為了不會錯過她們成長階段，盈盈說：「其實湊女係幾困身，但又唔捨得離開佢哋，有次返屋企，工人姐姐話細女已經試企，我錯過咗。有次細女舉高雙手要我抱，好感動，點知第二日見到裝修工人又叫人抱，原來個個都抱得，哈哈！」問盈盈是否想追多個仔？她坦言仔女無所謂，老公也會配合，因此她不排除休息計劃造人。目前她開始緊張為大女搵學校，她現就讀傳統學校，礙於盈盈中文程度有限，長遠計可能安排她入讀國際學校。

祥仔自爆情史

祥仔的太太和兒子昨日都有到場，他表示做完活動後就回家BBQ，問到送甚麼禮物給太太？祥仔笑言：「唔會特登買嘢畀老婆，平日見到鍾意就買。」祥仔還得戚表示，當年是太太追他的，所以多年來都沒有買太多禮物給太太。祥仔又笑謂婚前拍過一、兩次拖，囝囝亦屬於深閨型，因此沒有追女秘訣教給他。

採訪：Pauline

攝影：林良明

編輯：林梓添

設計：鄧俊明