工業區 港式Coffee Shop

茶餐廳餐飲有港式奶茶加咖啡兩溝成為鴛鴦！這間「鴛鴦奶茶」，就將外國式Coffee shop環境，結合本地風味飲食，為此區帶來一點新意思。

餐廳位於石門的工貿區，裝修亦帶點流行的工業風，輕鬆隨意。餐桌以common table為主，還有吧枱、馬蹄座等，幾多個人來都坐得舒舒服服。Coffee shop的氛圍，食物飲品則是本土味為主，選擇多，價錢也實惠。

咖喱款式多

介紹番：全天候飲得的港式絲襪奶茶，混合三至四款來自英國、斯里蘭卡的茶葉，加入黑白淡奶，柔滑如絲；咖啡豆經深度烘焙，沖製的咖啡帶果香，喝罷回甘。午市的招牌咖喱包括檳城白咖喱、泰式紅咖喱、日式咖喱，還有最受歡迎的咖喱牛腩，全以小煲盛載咖喱，好精美；配上白飯外，更附上兩片自製印式薄餅，蘸咖喱食一流。西式美食推介自家製的意大利雲吞，帶黑松露香，或選鮮蝦雜菜沙律配番茄湯，清新又飽肚。下午茶餐有全日早餐、雜錦雞翼拼盤、朱古力心太軟、肉桂香蕉棉花吐司等，比一般茶餐有新意。

一如現代cafe的配套，店子提供免費Wi-Fi上網、USB充電位置，帶埋電腦來開會、上網睇戲打機都得。營業時間跟此區的辦公時間看齊，周一至六晚上及紅日都休息。

鴛鴦奶茶

地址：沙田安心街19號匯貿中心地下1號舖

電話：2648 9289

平均消費：$50

編輯：魏雋

設計：Simon