【聲明】港生活網站並無進行電話推廣活動

欣宜出品麻辣雪糕 PMQ有得食

發佈時間: 2016/05/05

PMQ變party場地!噚日去PMQ元創方參加美食車嘉年華,行咗個幾鐘都未行完,因為一路行有嘢食仲有嘢飲!行行下見到個黃黚黚嘅車型攤位,聽Asia Miles公關姊妹講,特別整咗個迷你lounge,亞洲萬里通會員行到攰想唞一唞,可以隨時坐低飲杯野!

講番美食車,聽講總共有兩款四架星級美食車,分別由鄭欣宜、李璨琛、黃長興、同Master Joe(游茛維)四位明星營辦。

欣宜話,今次特別將曲奇加啲新意,變做雪糕三文治,仲話有一款四川麻辣味雪糕,叫大家一定要試!聽Master Joe講至知,佢同拍檔有意開韓式餐廳,正物色舖位,今次將特色小食如炸雞年糕帶嚟PMQ,話要「試下大家口味,睇下市場反應」。

撰文: 黛安 消息特靈八卦公關
欄名: 八卦名利場