【聲明】港生活網站並無進行電話推廣活動

黃伊汶:湊仔似養他媽哥池

發佈時間: 2016/05/05

娛圈近來喜事重重,不少女星首次或再次榮升媽咪,像新手靚媽黃伊汶(Emme)會慶祝為人母後第一個母親節!她與好姊妹鄭希怡(Yumiko)先後誕下cute爆萌B,本報特意邀請她們分享湊B難忘事。

Emme今年三月誕下囝囝陳真,她坦言最初不習慣為人母親,更一度懷疑患產後抑鬱。「開頭好辛苦,成日掛住BB食咗未、瞓咗未。我呢兩個月好畀心機坐月湊BB,成日困喺屋企,但我個人好outgoing(外向),所以覺得綁住自己好辛苦。」

最難幫囝囝沖涼

幸好Emme現已適應湊仔生活。「依家好享受,好似養緊他媽哥池咁,定時定候餵BB,幫佢清潔、換衫。依家我餵奶、掃風都OK,最難係幫佢沖涼,試過差啲將佢撞落個(浴)盆,好彩冇整親。」她笑指囝囝輪廓似自己,而BB經常打拳mode,似足老公陳國坤!

提到母親節,Emme希望給黃媽媽驚喜:「想送心思禮物,會約齊家姐、細佬,參考三姊弟嘅童年相,照辦煮碗影輯新相送畀媽咪。」相信黃媽媽對這份心意一定很受落吧!

Yumiko:梁浸浸性格自由奔放

鄭希怡囡囡梁子柔(乳名:梁浸浸)上月剛滿一歲,梁浸浸眼仔碌碌,加上天生鬈髮,樣子可愛爆燈,每次Yumiko將女兒的動向更新上網,都引來一眾粉絲追看。

提到母親節,Yumiko表示會越洋送花給身在外地的母親。她說:「做咗媽咪先知道媽咪嘅偉大,照顧小朋友唔係簡單嘅事,所以我會更尊重媽咪。」Yumiko又笑談可愛的浸浸:「睇住阿囡學講嘢、學行路,呢段日子真係好感動同好感恩,佢係一個happy baby,性格同我和老公一樣都咁自由奔放,希望佢日日都咁開心同健康。」

陳茵媺:小公主係天賜禮物

兩子之母陳茵媺(Aimee),上周誕下小公主Camilla,Aimee笑言她是最好的母親節禮物。Aimee受訪時,笑言囡囡出世一刻,自己忍不住哭了,「我諗住生第三個,會愈生愈冷靜,點知仍然好緊張,見到BB一出嚟我就猛喊。」她在網上又分享囡囡的得意相,Camilla鼻高高,似足Aimee咁靚。

撰文:李潔盈、倪小珊

編輯:黃寶恩

設計:Alex

欄名: 娛樂專題