【聲明】港生活網站並無進行電話推廣活動

千萬翻新澳門分店 打造全球最大屈臣氏

發佈時間: 2016/05/04

屈臣氏又有新動向!收到公關姊妹消息,品牌澳門議事亭前地分店裝修完成,最近重新開幕,唔單止係全球面積最大嘅屈臣氏,仲係以第7代屈臣氏concept、即係旗艦店概念店打造嘅4層樓高分店。旗艦店重點打造貼心服務,店內各個專區都好吸引!

提起澳門分店翻新,香港屈臣氏總經理張慧屏(Diane)話,品牌約20年前開始打入澳門市場,到依家已經擴展到有13間分店,今次特別投資近千萬翻新議事亭前地分店,想將與別不同購物體驗帶畀顧客。

講起屈臣氏旗艦店特色,一定要數店內多元化產品選擇,750個健與美品牌,其中有250個係獨家牌子,無論你係咩年紀、有咩特別需要,咁多個牌子入面,總會搵到一個啱你!

除咗產品夠貼心,趁分店隆重登場,下個星期四前,議事亭前地同米糙巷分店會有多個開幕獨家限定優惠,包括易賞錢會員折扣、精美行李箱或韓國人氣Happy call廚具有獨家獎賞等。除此之外,澳門屈臣氏仲有支付寶客戶簽帳優惠𠻹!

撰文: 黛安 消息特靈八卦公關
欄名: 八卦名利場