東瀛遊30周年 高層鬼馬扮相贈興

今時今日做管理層，「玩得」好重要，好似EGL東瀛遊30周年晚宴，除咗邀請人氣組合C AllStar表演，一班高層包括東瀛遊主席兼執董袁文英、同埋3位執董禤國全、袁李寶芬同梁成釗等，好有創意，打扮成唔同卡通人物，為活動「贈興」，令全場氣氛high爆。

聽公關姊妹講，晚宴有超過2,000位嘉賓同事出席，日本各地領事同知事仲分別上台致辭表達感謝，可以話肯定咗東瀛遊對日本嘅貢獻。和歌山縣知事仲送上特別訂製，印有袁文英外貌嘅梅酒同感謝狀作做賀禮。