Sanrio家族登陸3D展 布甸狗演繹《國王的新衣》

千呼萬喚「HK3DM x Sanrio Characters」嘅奇幻二部曲之西方童話3D展開始咗啦！聽公關講，今次Sanrio家族成員會演繹經典西方童話故事唔同角色，好似有《愛麗絲夢遊仙境》、《綠野仙蹤》、《國王的新衣》、《賣火柴的小女孩》等。

除咗3D畫外，場內3D立體互動區，會有Kuromi化身立體紅心皇后同梳乎蛋青蛙王子，各位粉絲真係唔可以錯過，仲有諗多幾個pose，影番夠本！

講下Sanrio家族成員嘅角色，Hello Kitty會以愛麗絲造型，同大家一齊起暢遊夢幻國度，仲有得同My Melody行入兔仔洞等。另外，聽講家傳戶曉童話區入面，布甸狗會變身《國王的新衣》嘅國王，見到咁可愛嘅國王，真係要影多幾張相。