安仔鍾意女人有肉地 Sammi決心增磅

經常在跑步徑出現的鄭秀文（Sammi），昨日以代言人身份出席銅鑼灣adidas旗艦店開幕。向來「瘦底」的她亦自覺身形薄如紙，是時候操fit自己。Sammi更大爆連老公許志安都想她增肥少少。

鄭秀文主張勤做運動保持健康，她更即場示範踢腿動作，其後又開玩笑說：「想練到有番啲綫條，着窄身裙嘅時候，pat pat啲肉會隆起來。其實我已略有成績，不過上圍細係天生，以前覺得肥少少，我就會去減磅。」Sammi直言老公許志安出到聲希望她肥少少，男人的角度始終認為女人有少少肉地先好睇。

她又表示，少食多餐更能達到健康效果，會多吃糙米和藜麥，希望有少許肌肉，不再予人弱不禁風的感覺：「咁多年來我都建立咗瘦嘅形象，以為瘦先好睇，點知瘦到紙咁薄，依家做咗健身衣服代言人，希望健康啲。」至於近日阮兆祥惡搞扮Sammi，連她本人都覺得好笑，大讚祥仔的神韻好似。

讚黎明處事態度一流

此外，Sammi前晚去睇黎明演唱會，她盛讚氣氛好好，同時亦欣賞黎明在取消第一晚演出的處事態度。她謂：「我在台下睇真係好high，終於明白Fans睇自己個騷點解會咁high，有好多共同回憶返晒嚟。（有冇興趣搞戶外騷？）我好大汗，加上換衫、除絲襪有難度。」

礙於戶外演出的噪音問題，有關方面限制在11時前要完騷，對歌手而言會否無癮？Sammi認為一般在2小時15分鐘完成最理想：「三個鐘太長，好難消化。我覺得最緊要精采，唔係時間長短。（無咗帳篷做唔到4D效果？）我想自己個身形4D先喎，哈哈！」

採訪：Pauline

攝影：Lego

編輯：陳禮恒

設計：梁政敏