年度Sanrio人物大賞 信和商場有得投票

記得舊年Sanrio卡通人物布甸狗（Pompompurin），成為最受歡迎冠軍人物，粉絲個個開心到爆。話咁快今年嘅投票又啟動，粉絲們又係時候要「發動攻勢」，為心愛卡通投下愛心一票！

收到公關姊妹消息，信和集團旗下屯門市廣場、奧海城、中港城、粉嶺帝庭軒購物商場同碧湖商場，將會設置同Sanrio Hong Kong合推嘅「Sanrio人物大賞」投票站，投選心愛Sanrio人物仲有機會免費獲得限定版明信片。

姊妹話，大家只要跟現場推廣大使指示，投票後喺票站影張相，再用特定hashtag分享到Facebook，就會得到明信片，總共四款㗎！

三位叮噹馬頭嘅卡通人物仲會現身拉票，上屆冠軍布甸狗同Hello Kitty分別於5月22日同6月19日現身屯門市廣場票站，而My Melody 6月5日就會去到奧海城，粉絲敬請期待！