前夫黎明個唱突取消 樂基兒：相信佢有plan畀觀眾

黎明（Leon）一連八場中環海濱演唱會，昨晚原定是第一場騷，想不到竟出師不利，因場地未能符合消防條例，頭場被迫宣告取消。前妻樂基兒昨晚在活動上表示，對Leon投以信心一票，認為他自會有後備方案給予購票樂迷。

樂基兒表示今日會前往度假，所以不會欣賞前夫黎明的演唱會。談到昨晚個唱突遭腰斬，她說：「唔知道，製作方面唔清楚，相信佢會有plan畀番啲觀眾。（黎明有請你睇騷？）唔答。」

舒淇戥粉絲失望

至於Leon另一舊愛舒淇昨晚出席時裝活動時，聽到Leon頭場個唱取消的消息，也表現驚訝：「吓，好彩呢度冇取消。」她自言不打算欣賞Leon個唱，又反問記者取消原因，當得悉個唱未獲食環署批准時，她說：「吓，咁都得？粉絲一定好失望，如果有機會我都會問候Leon。」同場的黎明旗下藝人馬天佑自言不擔心老闆：「我本來睇30號嗰場。黎生反應好快，相信能完全解決。」

撰文：Steven

編輯：黃寶恩

設計：鄧俊明

採訪：Iris、Pat