譚玉瑛爆伊健當年掛住追女仔

鄭伊健、譚玉瑛是當年兒童節目《430穿梭機》的主持，自從伊健轉投戲劇組後，已甚少與譚玉瑛姐姐合作。昨日兩人獲邀出席遊戲節宣傳活動，伊健笑言：「歡迎大家睇《430穿梭機》嘅Live！」譚玉瑛姐姐取笑他是否講遲了幾十年？

譚玉瑛多年來都是小朋友心目中的大姐姐，亦是一眾兒童節目主持眼中的大師姐，伊健在她面前亦肅然起敬。譚玉瑛爆他當年掛住追女仔，隨後大會安排夾公仔環節，伊健本想禮讓譚玉瑛，竟被她喝道：「我叫你夾先呀！」嚇得伊健乖乖準備，還幫譚玉瑛夾中禮物。

伊健與TVB仍有約

兩人受訪時，問伊健是否以前都是這樣被呼喝？伊健說：「佢係大師姐嚟嘛！」譚玉瑛姐姐則笑言：「係佢哋讓我啫，所以縱容到我咁囉！」伊健立刻賣口乖，讚對方記性好，每次看稿都過目不忘，不少跟她合作過的主持都被她「救」了多次，他笑謂：「就係因為咁我自卑，咪轉去做演員囉！其實肥仔Wilson（錢國偉）都好驚佢㗎！」

對打機沒甚興趣的譚玉瑛姐姐，會否不喜歡接收朋友邀請玩網上遊戲？她說：「咁又唔會unfriend佢哋，不過我會唔理佢！今次之後我會試玩，伊健同我講，佢阿媽都有玩，咁我可能都要玩下。」伊健愛打機已經出晒名，他說現在很多網上攻略，不用向他請教，不過他都會做測試。

此外，問伊健與無綫是否還有合約？他表示：「呢啲嘢真係好奇怪，原本壟斷嗰單嘢，我哋贏咗所以冇咗約，依家佢哋又贏番，合約又恢復，總之好嘅嘢我就拍，唔理咩電視台。」

採訪：Pauline

編輯：陳禮恒

設計：梁政敏