張家瑩狂擦鞋油 恨拍無綫劇

隨着亞視在4月1日已熄機，一眾前亞視藝員變成失業大軍，較幸運的蔡國威、袁文傑等獲無綫邀見工，前亞姐張家瑩則仍未有公司斟洽，不過她憑着靚靚身材，獲邀出任健美品牌代言人，她更賣口乖讚無綫是最強電視台，未知會否成功搲撈呢？

張家瑩昨日以一身性感打扮，為代言的健美內衣出席活動，舊同事蔡國威則擔任活動司儀。家瑩自爆獲六位數字酬勞擔任兩年代言，她於活動上大方曬34D上圍及纖腰，受訪時又大讚代言產品改善了身形，看起來更fit。

提到威仔早前去了無綫見工，張家瑩聞言後表示：「我知呀，希望佢哋成功，（ViuTV有冇搵你？）無呀，不過都係想拍TVB劇，佢哋係依家最強嘅電視台。」她坦言渴望去無綫拍劇。有指近年無綫製作的劇集被取笑是「膠劇」，她笑言：「搵我拍就唔膠㗎啦，我會好好學習。」

威仔唔介意扮棋

此外，昨日威仔再到勞工處遞交文件，申請破欠基金。一度有傳無綫高層嫌他不夠靚仔，如今終於有眉目，他透露與無綫見面的進度不錯，問他希望哪方面發展？他笑謂：「做乜都無所謂，（如果好似吳業坤咁扮棋呢？）扮棋扮到佢咁紅，我又無所謂呀！」

撰文：Pauline

攝影：林良明

編輯：黃寶恩

設計：梁政敏