韓流專區1周年 蠟像館推1蚊優惠

韓流有幾強勁，《太陽的後裔》男主角宋仲基為女主角縛鞋帶一幕，變成巨型紙板，粉絲都好想捕捉紙板公仔影相。喺香港想近距離親近Oppa仲有扣咩辦法？香港杜莎夫人蠟像館韓流專區，為唔少粉絲一解「思念」之情。唔講唔先，蠟像館慶祝韓流專區開幕一周年，特別推出優惠，4月28日至5月8日期間，只要港澳身份證上有「KWAVE430」入面任何一個字，可以用99蚊買飛入場，加多1蚊，就可以帶多位朋友一齊去見Oppa，優惠詳情可致電2849 6966。

依家專區入面有7尊蠟像，包括最新加入嘅李鍾碩等，聽公關講，蠟像館一向透過唔同渠道收集意見，了解大家想見到邊一位名人蠟像。Oppa粉絲仲唔係要即刻表態？「好想見宋仲基！」