【聲明】港生活網站並無進行電話推廣活動

子珊谷胸宣傳 金剛唔過電

發佈時間: 2016/04/20

徐子珊前晚與金剛、黃宗澤(Bosco)、方皓玟出席《刑警兄弟》首映禮,在戲中飾演醜女的子珊,當晚低胸上陣令人眼前一亮。金剛在台上口花花,並笑言唔係靚仔,唔怕惹緋聞。

兩位女主角徐子珊、方皓玟皆以性感打扮現身,不過以露「事業綫」的子珊最為搶鏡,金剛笑指他有想飲奶的感覺,事後抵死解釋:「我意思係金燕玲戲中演我媽咪,令我想番起在台灣,媽咪抱住我的感覺。」

問金剛是否不敢正視拍檔?子珊即搶答:「佢女朋友『大把貨』,唔會吼我呢啲!」提到兩人有親熱戲,金剛卻寸子珊角色要戴假牙及眼鏡,簡直是天下無敵。問兩人合作是否好放心冇緋聞?子珊即說:「唔使擔心,係人都知佢唔鐘意我呢type。」然後金剛笑謂:「係呀,雖然我手大,但性格好緊要。我一向都係偶像派,不過係地下市場。」

方皓玟裸戲遭打格

方皓玟在《刑警兄弟》有全裸演出,但她強調上下都有打底兼打格仔,Bosco大讚:「佢出場嗰幕已經好勁,傷口(事業綫)真係好深。」問Bosco與方皓玟親熱時可有生理反應?他笑言:「冇『動L』,劇情好爆,但我哋愛得好含蓄。」活動上,眾人更為方皓玟及前日生日的吳業坤切蛋糕慶祝。

採訪:倪小珊

攝影:Lego

編輯:陳禮恒

設計:鄧俊明