【聲明】港生活網站並無進行電話推廣活動

賽馬抵港 運馬員3招接機無難度

發佈時間: 2016/04/18

機場貨運站有貴賓駕到!原來今個星期日就係2000米國際一級賽愛彼女皇杯,其中兩匹日本參賽馬「朗日清天」同「新紀錄」日前到港,運馬員陳紹榮,帶埋獸醫、司機浩浩蕩蕩去迎接。

唔好以為馬匹落機拉上車就得,1973年加入馬會嘅陳紹榮,多年嚟喺機場接送過萬匹馬,佢話啟德機場年代馬匹直接由飛機行落停機坪,嗰時要擺車陣圍住,「當時都係未受過訓練嘅野馬,較頑皮,經常走脫,有時甚至要機場特警戒備。」80年代中起,來港馬匹變成乖巧純種馬,到港前已受過訓練,但要將容易易受驚嘅馬帶上運馬車都有技巧,「要馬匹乖乖上車有三招,海外馬匹不熟新環境到埗後會驚,第一步要安撫馬匹,輕拍牠的頸部,令牠感覺安全。若然牠仍拒絕上車,我會引領馬匹原地轉圈,失去方向感自然會上車;第三就係用布半蒙頭,看不見也會更聽指令。」

撰文: 黛安 消息特靈八卦公關
欄名: 八卦名利場