TVB曬冷迎戰強敵 祥仔：觀眾鍾意睇本土劇

無綫昨晚假電視城舉行《萬千星輝睇多D》活動，全體藝員傾巢而出，除了有歌星、藝員演出外，還強勢介紹各個台的節目及劇集，勢要力撼今個月開台的ViuTv，「視帝祥」公開力撑：「對公司好有信心！」

祥仔昨晚以劇集《巾幗梟雄之義海豪情》裏的劉醒造型現身，他表示：「呢個角色較貼近近代，唔使花太多造型，豬八戒嗰啲要搞太多嘢，而且我都係最鍾意劉醒呢個角色。」祥仔被問到跟無綫的合約何時完結？他表示：「邊有咁快，仲有兩年！（好多三年合約滿前已開始傾？）又唔使咁急，可能我不受公司重視呢？哈哈！」

祥仔坦言公司資源人才足夠，提到ViuTv來勢洶洶，祥仔坦言無有怕：「希望多啲本土製作，支持呢方面重點發展，有華人的地方都鍾意睇華人製作的劇集。」

「亞視幫」聚舊

胡定欣和田蕊妮以公主打扮亮相，提到「亞視幫」蔡國威、林韋辰、袁文傑及姜皓文亦出席典禮，問田蕊妮可有跟舊同事聚舊？她坦言：「唔覺得係舊，他們是重生，呢一行係圓的，會有合作的一日。（有傳無綫高層嫌蔡國威不夠靚仔，所以唔簽他？）吓，係咩？佢有冇騷身材？叫佢整一整個樣囉！」蔡國威與袁文傑默認正與無綫洽談，提到阿田提議蔡國威整容，他笑說：「唔使啦，嘥錢！」林韋辰取笑蔡國威如整走「六合彩」樣，以後無人認得。

撰文：倪小珊、李潔盈

採訪：Pauline

攝影：林良明、Lego

編輯：黃寶恩

設計：鄧俊明