張亮 許曉暉夾band做宣傳

收到馬會公關姊妹傳來一張得意相片，馬會慈善及社區事務執行總監張亮，同民政事務局副局長許曉暉一齊夾band，心諗「咁得意」？原來兩位有份宣傳，馬會9月首次主辦嘅「慈善共創都市聚焦」國際慈善論壇，配合主題，就用回收升級再造物品製成嘅樂器試下夾band，睇起上嚟都幾有型喎！

姊妹話，到時全球主要慈善機構代表，包括哈佛神級教授、有「企管教父」之稱嘅哈佛商學院著名管理和經濟學家Michael Porter（波特教授）都會做演講嘉賓，睇嚟業界老友要把握機會。