【聲明】港生活網站並無進行電話推廣活動

《殭》三女紅隧口快閃谷收視

發佈時間: 2016/04/15
  • 1,000次
    分享

無綫新劇《殭》初步反應一般,除演員造型被批評跟殭屍格格不入,又指鄭嘉穎留鬚造型激似元華。昨午,《殭》之三女陳凱琳(Grace)、賴慰玲及陳嘉寶聯手「救亡」落區宣傳。

陳凱琳終於在《殭》第三集出場,她表示前晚一早捧場。對於有網民批評劇中演員演技差,賴慰玲表示網民一定有讚有彈,即使睇唔過眼也需慢慢接受。陳嘉寶就自爆劇中短頭髮模樣,被家人笑似「菜肉包」。

對於鄭嘉穎的留鬚及唔洗頭造型激似元華,Grace力挺男友:「唔似,不過可以作為話題,亦代表有人追睇。(嘉穎會否介意?)我唔知,要問番佢,不過我覺得佢無嘢。」過去偶有殭屍為題材的劇集及電影,在比較之下,觀眾覺得《殭》劇主角造型跟過往很不同,Grace繼續唱好表示:「我哋係新派殭屍,咁咪唔會畀人話抄,可以話係創新類型,或者遲啲有其他殭屍片,就會話係抄我哋㗎啦。」

讚Kay演得可愛

不過,女主角謝安琪(Kay)的演技亦被指太浮誇,賴慰玲覺得Kay的角色很可愛,陳嘉寶也大讚Kay演得不錯,演對手戲時多數由Kay帶她入戲。問她們如果收視好,會否穿比堅尼慶祝?Grace就高呼要陸永、黃又南穿比堅尼示人,賴慰玲則提議Grace安排嘉穎穿比堅尼,笑言呢啲應該交由男士去做。

採訪:Pauline

攝影:Lego

編輯:陳禮恒

設計:鄧俊明