【聲明】港生活網站並無進行電話推廣活動

日清蔬菜籃 宣傳有機水餃

發佈時間: 2016/04/13

收到大大個蔬菜籃,同事笑問:「依家唔興送果籃,變咗送菜籃呀?」原來日清食品最近新推出全新綠色系列「日清水餃」,想話畀大家知新產品選用有機食材,於是送上健康蔬菜籃,非常有心思。

新出日清水餃有兩款口味,小白菜豬肉水餃同椰菜木耳豬肉水餃。第一款用咗有機認證小白菜同燕麥,水餃皮就用有機認證小麥粉;至於第二款,水餃餡除咗椰菜、紫椰菜,連木耳都係有機食材。除咗健康之外,快煮都係selling point,啱晒繁忙又想食好啲嘅都市人。

撰文: 黛安 消息特靈八卦公關
欄名: 八卦名利場