黛安
黛安

美心擴版圖 奪COVA港澳特許經營

發佈時間: 2016/04/12

美心擴版圖 奪COVA港澳特許經營

記得舊年同美心公關部姊妹食飯,收到一本集團小冊子,揭到最尾兩頁,一頁講集團近年獎項,另一頁「曬冷」集團旗下品牌logo,包括特許品牌。即時篤篤手指數下,美心旗下有幾多個品牌呢,公關姊妹笑一笑話,一版紙未能盡錄所有品牌,而且好快又會有新品牌加入。

最近同美心集團主席兼董事總經理伍偉國(Michael)食飯,聽佢分享集團發展,又收到好消息,原來4月1日開始,美心正式成為意大利品牌COVA香港同澳門嘅特許經營商。講起COVA,相信大家對品牌嘅餐廳同餅店唔會陌生,身邊好多姊妹,周末時最鍾意shopping後去利園分店食甜品自助餐,話係weekend「充電」好方法之一。

COVA係意大利有超過200年歷史,當年在米蘭起家,專賣咖啡糕點同小食,又因為食店鄰近著名歌劇院La Scala,好多當地人都鍾意進場前或中場休息時,飲杯香檳兼食件cake。大概20年前開始,COVA打入香港市場,發展步伐加快,唔止有咖啡店,仲做埋餐廳。美心集團今次正式將香港同澳門COVA納入版圖,可以話係慧眼識英雄,唔知未來仲有咩大計呢,認真期待!

撰文: 黛安 消息特靈八卦公關
欄名: 八卦名利場