提早為志偉賀壽 Bosco金剛扮咀谷新戲

本月14日是曾志偉的63歲生日，志偉日前隨電影《刑警兄弟》到廣州宣傳，黃宗澤（Bosco）、金剛及徐子珊等主角為他提早慶生，Bosco與金剛戲裏戲外都是好巴打，兩兄弟玩到忘晒形。志偉獲封「喜劇掌門人」，更令這位壽星喜上眉梢。

由曾志偉監製、戚家基執導的《刑警兄弟》終於有檔期在本月上映，適逢志偉快將生日，眾人即席送上祝福，並表達對志偉的敬意。從影40年的志偉被封為「喜劇掌門人」，作為資深笑匠，志偉對《刑警兄弟》四位主角非常讚賞，眾人又送上親手製作的感謝卡。

徐子珊演醜女放笑彈

Bosco表示：「志偉哥係我嘅恩師，不但畀機會我，仲問我想做乜。」金剛直言：「無志偉哥就無我，無志偉哥我亦唔會企喺呢度。」

黃宗澤與金剛擺明車馬玩「HeHe」，即場借位扮咀嘴，令全場爆笑。志偉趁機劇透，指兩人在戲中還有床戲，Bosco表示拍完那場戲好興奮，他說在《刑警兄弟》有突破演出，平時斯文靚仔，在片中卻要飾演爛撻撻差人，金剛就飾演純情怕事的裙腳仔。Bosco表示：「我早就把偶像包袱放下了，現在的偶像都是小鮮肉（唔夠廿歲），我就不去跟別人爭了。」

女角方面，方皓玟、徐子珊分別飾演黑幫千金與日系小公主，一個刁蠻任性，另一個打扮kawaii，但個樣好ugly。一眾演員在台上互相鬥嘴，非常爆笑。

撰文：Pauline

編輯：陳禮恒

設計：鄧俊明