樂視斷貨超級手機 後日加推

當大家討論緊電視大戰，身邊有朋友話，買LeEco樂視超級手機，都係一場「龍爭虎鬥」。好似有「煲劇神器」之稱嘅Le 1s銀色版勁受歡迎，每次網上開售都好踴躍，今年一月首賣已售出12,423部，之後一度斷貨要等預購。

品牌都知道「樂迷」心急，後日即係今個星期四，首次現貨形式發售，大家只要上LeMall.com登記，後日中午12點開售，仲有機會獲得額外三個月英超狂睇組合。另外，黛安收到風，淨機版本只需1,499蚊仲會加送三個月𠻹！

講起樂視娛樂內容，樂視控股副總裁兼亞太區執行總裁莫翠天早前講過，品牌會致力提供最多元化影視娛樂體驗，憑多年營運用戶經驗，了解用戶所需，仲會不斷製作及購入全球各地精采節目。

黛安都留意到，三月份品牌更引入咗全港首個自組驚慄頻道「Thrill 360驚慄電影台」，想睇驚慄片隨時有得揀，各位姊妹可以盡情click入去「練膽量」。