【聲明】港生活網站並無進行電話推廣活動

否認戀上富二代 周秀娜:冇人敢追我

發佈時間: 2016/03/08
  • 1,000次
    分享

周秀娜與鄭伊健昨晚出席主演的新片《iGirls夢情人》首映禮,娜姐最近被傳與神秘富二代拍拖,她強烈否認:「我冇拍拖,冇富二代朋友,唔擔心緋聞影響形象,因為冇就冇!」

娜姐笑言自緋聞傳出後,沒有人敢追她,「其實大家唔使估『富二代』係邊個,因為根本冇呢個人存在。」但有指她忽然富貴?她笑說:「我不嬲生活OK,養得起父母同自己,心態富足就得!」

伊健自爆防腐秘方

同場的伊健笑言拍攝時與娜姐有身體接觸:「因為娜姐飾演機械人,場戲講佢冇電,所以我要抬起佢,佢又重又硬,係『骨幹型』。」提到其藝員訓練班同學兼前港姐吳婉芳獲封「凍齡美人」,伊健亦公開其「防腐」秘方:「要寓工作於娛樂,我好少敷mask,但會打羽毛球,同好似發哥咁行山。」

撰文:李潔盈

編輯:黃寶恩

設計:鄧俊明