大家樂撑青年發展 請本地Band友唱Live

舊年大家樂搞搞新意思，首次將快餐店變身Live House，搵本地街頭音樂人喺餐廳獻唱，唔少人讚有心思。今年品牌再接再厲，再喺3間分店舉辦「大家樂壇2016‧Like音樂Share快樂」活動，仲搵埋香港青年協會（青協）合作，為本地街頭樂隊同年輕音樂人提供表演平台。

大家樂集團行政總裁（速食餐飲業務）劉達民話，大家樂積極回饋社會，今次活動想支持青少年發展，同時希望用音樂做共同語言，將青少年聲音傳播社區。

音樂會今個月19、26同27日分別喺沙田、將軍澳同天水圍舉行，請咗兩隊本地街頭樂隊同一隊人氣樂隊表演。今年活動仲免費開放畀市民報名，一推出活動反應好熱烈，門票火速換晒。公關姊妹話，換唔到飛都唔使失望，因為品牌facebook專頁會上載各場活動精華片段，大家要期待下啦！

品牌又為活動「造勢」，搵有份參與演出嘅本地街頭樂隊同年輕音樂人，合作錄製了用《藍天》作藍本、改編而成嘅大家樂全新主題曲《快樂成真》MV，去大家樂YouTube同fb專頁就有得睇！