內地男心口紋阿佘肖像 佘詩曼估佢太愛釘姐

佘詩曼、張家輝、古天樂、吳鎮宇及韓國女星Clara Lee等，前晚出席電影《使徒行者》首映禮，身為女主角的阿佘雖然以露肩喱士裙上陣，但性感程度仍敵不過穿黑色Deep V吊帶裙的Clara。

《使徒行者》一班演員日前忙於在內地宣傳，阿佘表示每日謝票走訪六、七間戲院，發生不少難忘事。她說：「有個男粉絲展露上身，心口印上我嘅肖像紋身，不過佢未入戲院已經被人拉走，所以我冇機會見到佢，只係從微博見到佢貼咗張相，我諗個紋身只係印水紙，可能佢太愛釘姐。（以前可有遇過狂迷？）見過熱情粉絲，但無話傷害過我。」

無綫重播《使》劇反應不錯，有傳想開拍續集，阿佘聞言表示不清楚，但由於她跟林峯已離巢，豈不是未能齊腳？阿佘不諱言：「如果原班人馬會好啲，觀眾鍾意咁樣。（邊個可取代你同林峯？）唔知，諗唔到。（冇你邊個演釘姐？）咁個個都做到，冇嘢係唔得嘅。」

Clara沒受「限韓令」影響

韓星Clara性感打扮撼贏阿佘，她謙稱：「唔好咁講。」有傳內地即將實施「限韓令」，她直言這個部分有點敏感，不知如何表達，但現時主要參與一個韓國美容節目，而且早前亦有份到北京參與《使徒行者》宣傳，她暫時沒有受限制波及。

採訪：Pauline

攝影：Lego

編輯：陳禮恒

設計：梁政敏