潮語卡教可持續發展

成日聽人講「可持續發展」，如果叫用簡而精解釋下，有幾多人聽得明。可持續發展委員會好有諗頭，知道大眾要認識呢啲概念並唔容易，於是搵搵本地設計師蘇真真設計咗一系列潮語卡，等大家邊睇邊學。

蘇真真都話，香港消耗不少地球資源，為下一代着想，必須推廣可持續使用生物資源，所以想用細細個嘅詞彙學習卡做工具，透過生動插圖加生活化例子，協助大家有趣地認識可持續使用生物資源嘅信息。

為咗響應環保，潮語卡唔會有實物，大家上網（https://goo.gl/oHtaJG）就可以下載，公關話一套16款，依家率先公布咗5款，未來每兩個星期至9月19日陸續公布，記得留意！