《城寨》收視衝破31點 摸袁偉豪胸定欣：好奇妙

無綫劇集《城寨英雄》播映了個多星期，前晚一集平均收視29.1點，最高31.3點，是劇集播出以來最佳成績，衝破200萬觀眾收看。昨天劇中演員出席宣傳活動，齊齊期望收視繼續上升。

胡定欣和袁偉豪在劇中飾演情侶，觀眾十分受落，提到上周日播出的一集，袁偉豪用手在定欣胸口猛揼，他表示拍攝時有點尷尬，定欣則笑言：「揼完的確有啲得着！」事後受訪時，定欣笑言：「沒有諗過呢個shot令觀眾有咁大反應，為咗遷就鏡頭，都拍咗兩日呀，咪就係捱咗兩日畀佢哋揼囉！兩位男士（陳展鵬、袁偉豪）好錫我，我盡頂，佢哋都好專業，希望收視繼續上升，畀佢哋揼都值得。（有冇尷尬？）唔會，為咗效果啫。」

在旁的袁偉豪認為信任和溝通好重要，定欣笑言都有抽袁偉豪水，前晚那場戲摸勻他全身，包括雙手摸胸，反而擔心他的fans唔鍾意。至於會否怕袁偉豪女友岑杏賢不高興？定欣大讚杏賢大方不介意，她又笑言：「啲男演員成日唔着衫，好多女士流晒口水，其實羨慕多過妒忌。我未試過咁樣摸男人個胸，仲要咁立體，兩隻手摸住男人個胸感覺好奇妙！」

定欣被蹂躪最辛苦

問到袁偉豪和陳展鵬一齊揼定欣胸口會否尷尬？他直言定欣被兩個男人蹂躪才最辛苦。對於收視成績佳，袁偉豪感到高興，又指監製文偉鴻會將得意鏡頭cap圖，在片尾播出讓大家笑笑。他希望收視達35點，去到40點更佳。

採訪：Pauline

攝影：Lego

編輯：黃寶恩

設計：Herbert