胡杏兒提「黃宗澤」即落閘

日本卡通動畫《櫻桃小丸子：來自意大利的少年》前晚在港舉行首映禮，有份配音的胡杏兒和台灣男星汪東城（大東）齊齊現身。杏兒講小丸子就停不到口，不過聽到舊愛黃宗澤就立刻落閘。

杏兒說為卡通動畫配音是新嘗試，她說：「要扮小朋友聲覺得有難度，因為角色比較斯文、女仔少少。」杏兒更笑言表現獲專業配音員認同感到高興。

提到舊愛黃宗澤近日與澳門賭廳揸弗人Twin姐傳緋聞，杏兒表示：「有記者問過我，不過冇留意新聞，唔回應啦，以後都唔好問我，祝福佢。（怕老公介意？）唔關事，都陳年往事，大家唔好問我啦。（拍拖時見過佢所講嘅契家姐？）咁耐歷史就唔提喇。」

大東廣東話配音感吃力

另外，提到好姊妹胡定欣最近甩拖，杏兒醒目避談，還大讚定欣主演的新劇《城寨英雄》收視及口碑俱佳。記者再問到杏兒可有跟定欣談感情事？她說：「大家係成年人，唔啱分手都好正常，大家做番朋友，希望定欣快啲搵到另一半。（搵你哭訴？）冇。（約你去英國療情傷？）唔係，咁啱啫，我去英國探奶奶，佢哋又咁啱喺英國。」

在片中為主角意大利少年配音的大東，上台即以廣東話打招呼：「我是來自意大利的少年！」今次大東全以廣東話配音，他坦言有點吃力。他說：「大家不要看我廣東話現在這麼爛，其實錄音時下了不少苦功，希望大家用心欣賞，好歹我也是廣東人，用母語（爸爸是廣東人）完成這份工作覺得心滿意足。」他表示平日爸爸都是講普通話，今次他的廣東話是跟工作人員逐隻字學的。

撰文：Pauline

攝影：林良明

編輯：林梓添

設計：李明